Şəhər Polis İdarəsinin rəisi işçiləri geyimlərinə fikir verməyə çağırıb
ABŞ-da Nyu York şəhər Polis İdarəsinin rəisi Reymond Kelli qurumun bütün əməkdaşlarına üzərində departamentin loqotipi, o cümlədən yumor xarakterli şüarlar yazılan futbolkalar geyməyi qadağan edib. Bu barədə “New York Post” qəzeti xəbər yayıb.
Belə ki, idarənin əməkdaşları, müstəntiqləri arasında son vaxtlar iş yerinə, hətta cinayət yerinə belə, qeyri-ciddi geyimlərdə gələnlərin sayının artması, polis rəisini özündən çıxarıb. İdarə başçısı “New York Post” qəzetinə verdiyi müsahibədə, departament rəhbərliyinin polisin xarici görünüşünün belə yolverilməz, lağ-lağa qizmində təzahür etməsinə yol verməyəcəklərini diqqətə çatdırıb.
“Qara siyahıya” yalnız bayağı ifadələrdən və şüarlardan ibarət köynəklər deyil, eyni zamanda, peşəylə bağlı zarafatların yer aldığı futbolkalar da salınıb. Belə ki, müstəntiq “Mənim işim, sənin axırın çatandan sonra başlayır ” kimi şüarın yer aldığı futbolkada işə gəlmək niyyəti olsa, o zaman rəhbərliklə qabaqcadan məsləhətləşməli olacaq.