Yanvarın 31-də Bakı şəhəri, Yasamal rayonunda inzibati binanın ərazisində təmir-tikinti işləri aparılan vaxt partlamamış döyüş sursatının aşkarlanması barədə Fövqəladə Hallar Nazirliyinə məlumat daxil olub.
Simsar.az-ın nazirliyin saytına istinadən verdiyi məlumata görə, dərhal müvafiq xilasetmə qüvvələri və mütəxəssisləri zəruri tədbirlərin görülməsi üçün hadisə yerinə cəlb edilib və aidiyyəti qurumlar məlumatlandırılıb.
Nazirliyin mütəxəssisləri aidiyyəti qurumların əməkdaşları ilə birgə aşkarlanmış sursata baxış keçirib. Müəyyən olunub ki, bu, aviasiya bombasının tədris-təlim məqsədləri üçün nəzərdə tutulmuş mulyajıdır. Əməliyyat saat 20:03-də başa çatıb.