"Azərbaycan və Türkiyə birlikdə bunun üçün bütün vasitələrdən istifadə edir və edəcək"
Milli Məclisin 1 fevral iclasında Fransanın ATƏT-in Minsk qrupundan kənarlaşdırılması təklif olunub.
Simsar.az saytının məlumatına görə, deputatlar Zahid Oruc və Vahid Əhmədovun qaldırdığı bu məsələyə münasibət bildirən Milli Məclisin sədri Oqtay Əsədov deyib: “Fransa həmsədrlik üçün mənəvi haqqını itirib, lakin hüquqi haqqını itirməyib. Biz müəyyənləşdirməliyik ki, Fransanın uzaqlaşdırılmasının hüquqi forması necədir. Bu bizim istəyimizdən asılı məsələ deyil. Məsələ gündəmdədir, Azərbaycan və Türkiyə birlikdə bunun üçün bütün vasitələrdən istifadə edir və edəcək”.
ATƏT-in Minsk qrupu 1992-ci ilin martında yaradılıb. Qrupda 13 ölkə təmsil olunur: Azərbaycan, Ermənistan, Almaniya, Belarus, Finlandiya, İtaliya, İsveç, Niderland, Portuqaliya, Türkiyə, Rusiya, Fransa, ABŞ.
Minsk qrupunda həmsədrlik institutu 1994-cü ilin dekabrında ATƏT-in Budapeşt zirvə toplantısında təsis olunub. 1997-ci il yanvarın 1-dən ATƏT-in Minsk qrupuna ABŞ, Rusiya və Fransa həmsədrlik edirlər.
“Erməni soyqırımı”nı inkara görə cinayət məsuliyyəti nəzərdə tutan qanunun Fransa Senatından keçməsindən sonra çoxları belə hesab edir ki, açıq ermənipərəst mövqe tutduğuna görə Fransa Dağlıq Qarabağ münaqişəsinin həllində vasitəçi olmaq haqqını itirib. Bəzi ekspertlər Azərbaycanın Fransanı həmsədrlikdən uzaqlaşdırmaq prosedurasına başlamalı olduğunu vurğulayırlar.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
