"Strategiya-31" aksiyaları Moskva və bir sıra şəhərlərdə keçirilib
Ötən gün Rusiyanın bir sıra şəhərlərində kütləvi etiraz aksiyaları keçirilib. Müxalifətin ənənəvi olaraq hər 31-günlük ayın sonuncu günündə keçirdiyi "Strategiya-31" adlı aksiyalar Rusiya Konstitusiyasının sərbəst toplaşmaq azadlığına dair 31-ci maddəsinin müdafiəsi məqsədilə təşkil edilib. Paytaxt Moskvanın Triumfalnaya meydanında keçirilən icazəsiz aksiyada 200-dən çox adam iştirak edib. Nümayiş zamanı qeydiyyatdan keçməmiş "Başqa Rusiya" partiyasının lideri Eduard Limonov da daxil olmaqla, 49 nəfər saxlanıb.
Sankt-Peterburqda isə analoji nümayiş Qostinıy Dvor adlı yerdə keçirilib və 12 aksiya iştirakçısı saxlanıb. Onların arasında olan "Başqa Rusiya" partiyasının fəallarının polis tərəfindən döyüldüyü bildirilir.
"Strategiya-31" aksiyası Rusiyanın Samara və Omsk şəhərlərində də baş tutub. Burada nümayişçilərə Rusiyada parlament seçkilərinin nəticələrinə etiraz əlaməti olaraq fevralın 4-ə planlaşdırılan kütləvi aksiyalara dəvət edən vərəqlər paylanıb.
Rusiya müxalifəti ilə həmrəylik mitinqi Çexiyanın paytaxtı Praqada da keçirilib, burada aksiyaya 100-dən çox adam toplaşıb.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
