Nəzarətçi müəllimlər üçün məşğələlər keçiriləcək
Tələbə Qəbulu üzrə Dövlət Komissiyası (TQDK) növbəti tədris ilində respublikanın ali və orta ixtisas məktəblərinə qəbul imtahanlarında nəzarətçi kimi iştirak edəcək müəllimlər üçün məşğələlər keçəcək. Simsar.az-ın verdiyi məlumata görə, bunu TQDK-nın mətbuat xidmətinin rəhbəri Elnur Nağızadə bildirib. Onun sözlərinə görə, ötən il imtahanlarda nəzarətçi kimi fəaliyyət göstərən 116 müəllim nəzarətçilikdən uzaqlaşdırılıb. E.Nağızadə bu nəticənin əvvəlki illə müqayisədə iki dəfə az olduğunu deyib.
Seminarların məqsədi müəllimləri qəbul imtahanlarının texnologiyası ilə yaxından tanış etməkdir. Seminarlar TQDK-nın Təşkilat şöbəsinin məsul əməkdaşları tərəfindən aparılacaq.