Təhsil Nazirliyindən bildirilir ki, hava daha da pisləşsə məktəblər bağlanacaq
Azərbaycanda hava şəraiti və yolların vəziyyəti daha da pisləşsə, orta məktəblərdə dərslərin dayandırılması məsələsinə baxıla bilər.
Bunu Trend-ə Təhsil Nazirliyinin kənd rayonları üzrə ümumi təhsil şöbəsinin müdiri Aydın Əhmədov deyib. Onun sözlərinə görə, hazırda orta məktəblərdə dərslər keçirilir. Hava şəraiti ilə əlaqədar yerlərdə dərslərin dayandırılması barədə valideynlərdən də heç bir təklif daxil olmayıb. "Təbii ki, qarlı hava şəraiti dərslərin keçirilməsinə müəyyən mənada təsir göstərə bilər. Ancaq dərslərin dayandırılması ilə bağlı heç bir təklif daxil olmayıb və bu barədə məsələ qaldırılmayıb", - o deyib.
Əhmədovun sözlərinə görə, təbii ki, hava şəraiti və yolun vəziyyəti pisləşsə, bu məsələyə baxıla bilər. Amma hələ ki, buna elə ehtiyac yoxdur.
O, ölkədəki məktəblərin əksəriyyətində istilik sisteminin olduğunu da söyləyib.
Hazırda Azərbaycanda Naxçıvan Muxtar Respublikası istisna olmaqla, 4256 ümumtəhsil məktəbi var. Onların 1005-i mərkəzləşdirilmiş istilik sistemi və fərdi qazanxana vasitəsilə qızdırılır. Məktəblərin 735-i dizel yanacağı, 27-si qaz sobaları, 2112-si odunla, 377-si isə elektrik cihazları ilə isidilir.
Hazırda Azərbaycanda şaxtalı hava şəraiti müşahidə edilir. Sinoptiklər qısa davam edən mülayimləşmədən sonra fevralın 2-də ölkə ərazisində hava şəraitinin yenidən kəskinləşəcəyini bildiriblər.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
