Səfa Mirzəyev: "Əksər deputatların Bakıda evləri var"
Səfa Mirzəyev: “Rayonlardan olan deputatlara ev kirayəsinin ödənilməsində köməklik edilir”
Milli Məclisin payız sessiyasında Yeni Azərbaycan Partiyası icra katibinin müavini, deputat Siyavuş Novruzov evi olmayan həmkarlarının mənzillə təmin olunması məsələsini qaldırıb. Simsar.az saytının məlumatına görə, Milli Məclis Aparatının rəhbəri Səfa Mirzəyev bildirib ki, əvvəlki dövrlərlə müqayisədə indi parlament heç bir bina tikmir: “Ona görə də deputatların mənzillə təmin olunması məsələsi gündəmdə yoxdur”.
Aparat rəhbəri deyib ki, rayonlardan seçilən deputatlara bu məsələ ilə bağlı müraciət edilib: “Cədvəl tərtib olunub və əgər rayonlardan olan deputatlar Bakıda ev kirayələyiblərsə, bu məsələdə onlara Milli Məclis köməklik edir”.
S.Mirzəyev onu da qeyd edib ki, əksər deputatların Bakıda evləri var. Ona görə də bu problemli məsələ deyil.