"Azərbaycan bu proseslərdə İrana qonşu olaraq öz mövqeyini saxlayır"
Azərbaycan İranla bağlı proseslərin sağlam düşüncə ilə məntiqi, ədalətli həllini tapmasının tərəfdarıdır.
Simsar.Az xəbər verir ki, bu barədə Yurd TV-ə müsahibəsində Prezident Administrasiyasının Xarici əlaqələr şöbəsinin müdiri Novruz Məmmədov deyib.
O, bildirib ki, dünyada İran ətrafında böyük gərginlik yaşanır və bu, Azərbaycanı da narahat edir.
“Təbii ki, bu bizi narahat etməlidir. Azərbaycan bu proseslərdə İrana qonşu olaraq öz mövqeyini saxlayır və müəyyən mənada bu proseslərin içində heç bir rol oynamır”.
N.Məmmədov deyib ki, vəziyyətin kifayət qədər gərgin olmasına baxmayaraq, məsələnin sağlam düşüncə ilə həllini tapacağına ümid edirik.