Əhalinin sayı 9,235 mln. nəfər olub
Bu ilin yanvarın 1-i vəziyyətinə Azərbaycan əhalisinin sayı ötən ilin əvvəlinə nisbətən 123,9 min nəfər və ya 1,4% artaraq 9,235 mln. nəfər təşkil edib.
Dövlət Statistika Komitəsindən «APA-ECONOMICS»ə verilən məlumata görə, əhalinin 53%-i şəhər, 47%-i kənd yerlərində yaşayır, 49,6%-i kişilərdən, 50,4%-i qadınlardan ibarətdir. Hər 1 000 nəfər kişiyə 1 017 nəfər qadın düşür.
«Ötən il doğulan körpələr üçün gözlənilən ömür uzunluğu 73,6 yaş, o cümlədən oğlanlar üçün 70,9 yaş, qızlar üçün 76,2 yaş təşkil edib. Hesabat ili ərzində ölkədə 175,4 min nəfər körpə doğulub ki, bu da son 17 ildə ən yüksək göstəricidir, 2010-cu illə müqayisədə əhalinin hər 1 000 nəfərinə hesabı ilə doğumun səviyyəsi 18,5-dən 19,4-ə qədər artıb. Doğulanların 53,8%-i oğlanlar, 46,2%-i qızlardır. Körpələrin 1 506-sı əkiz, 33-ü üçəm olub», - deyə Komitədən bildirilib.
Doğulan oğlanlara ən çox Yusif, Əli, Hüseyn, Məhəmməd, Murad və Nihad, qızlara isə Zəhra, Nuray, Fatimə, Fidan, Zeynəb və Ayan adları verilib.
Hazırda uşaq doğmaq qabiliyyətinə malik olan hər bir qadına bütün ömrü boyu orta hesabla 2,4 uşaq düşür, bununla da ölkədə əhalinin təkrar istehsalı təmin olunur.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
