Ekologiya və Təbii Sərvətlər Nazirliyi Milli Hidrometeorologiya Departamenti bu gün gözlənilən hava proqnozunu açıqlayıb.
Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, yanvarın 19-da Bakıda və Abşeron yarımadasında hava şəraitinin soyuq, küləkli keçəcəyi, axşam yağıntılı olacağı gözlənilir. Gecəyə doğru bəzi yerlədə yağışın sulu qarla qarışıq yağması ehtimal olunur. Gecə və gündüz 1-4 dərəcə isti proqnozlaşdırılır.
Azərbaycanın rayonlarına gəlincə, yanvarın 19-da hava şəraitinin arabir yağıntılı olacağı, bəzi yerlərdə sulu qar, qar yağacağı gözlənilir. Güclü qərb küləyi əsəcək. Havanın temperaturu gecə 3 dərəcə şaxtadan 2 dərəcəyədək isti, gündüz 2-7 dərəcə isti, dağlarda gecə 8-5 dərəcə şaxta, gündüz 5-0 şaxta proqnozlaşdırılır.