Bunu jurnalistlərə Azərbaycan Dillər Universitetinin (ADU) rektoru, Mlli Məclisin deputatı, professor Səməd Seyidov bildirib
Azərbaycanda siyasi məhbus məsələsi ilə bağlı Avropa Şurasına (AŞ) məktub göndərmişik və AŞ rəhbərliyi bu məsələ ilə bağlı Azərbaycanın mövqeyini bilir.
Simsar.az-ın verdiyi xəbərə görə, bunu jurnalistlərə Azərbaycan Dillər Universitetinin (ADU) rektoru, Mlli Məclisin deputatı, professor Səməd Seyidov bildirib.
O deyib: "Azərbaycan bu məsələdə AŞ ilə konstruktiv əməkdaşlıq etməyə hazırdır. Bu problemi yalnız Azərbaycanda deyil, AŞ-yə daxil olan digər ölkələrdə də araşdırmaq lazımdır. Siyasi məhbusları yalnız Azərbaycanda axtarmaq uğursuzdur. Hansı ki, bu gün bütün Avropa üçün problem olan insan haqları məsələsini Azərbaycanda aramaq qəribə görünür. Biz bu məsələ ilə bağlı mövqeyimizi bildirmişik və bundan sonra da bildirəcəyik. Biz hər zaman insan haqlarını alətə çevirib Azərbaycana təzyiq göstərmək məsələsinin əleyhinə çıxmışıq və bundan sonra da çıxacağıq. Heç kim insan haqlarını alverə çevirib təzyiq vasitəsi kimi istifadə edə bilməz".