Türkiyədə bu il də bu xəstəliyə yoluxana rast gəlinib
Türkiyədə havaların soyuması ilə H1N1 “donuz qripi” yenidən gündəmə gəlib.
2009 ilə 2010 arasında bütün dünyada 17 min adamın ölümünə gətirib çıxaran H1N1 virusuna Türkiyədə də rast gəlinib.
Simsar.az Türkiyə mətbuatına istinadən bildirir ki, Səhiyyə Nazirliyinin nümayəndəsi Məmməd Əli Torunoğlu H3N2v virusunun Türkiyədə yayılmasını izləyən sistemin olduğunu deyib. Aşkar olunan xəstəliklər arasında “donuz qripi” virusuna da rast gəlindiyini bildirən Torunoğlu
H1N1-in nəzarət altına alındığını və buna qarşı lazımi peyvəndlərin hazırlandığını qeyd edib.
“ABŞ-da yeni-yeni üzə çıxan və 12 adamda tapılan H3N3v adlı yeni “donuz qripi” virusu diqqət çəkib. Amma virusla mübarizə üçün bu ölkədə artıq onlarla labarotoriya işə başlayıb. Bununla bərabər yenə də hər kəsin peyvən olunması vacibdir” deyə tibb mütəxəssisi əlavə edib.
Ə.Torunoğlunin sözlərinə görə, virusun pandemiya halını alması gözlənilmir: “Qrip mart ayına qədər davam edəcək. Hər kəsin peyvənd olunması vacibdi”.