Rayonlara qar yağacağı gözlənilir
Bakı və Abşeron yarımadasında yanvarın 17-də hava dəyişkən buludlu, əsasən yağmursuz keçəcək. Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin Simsar.az-a verdiyi məlumata görə, bəzi yerlərdə zəif duman müşahidə ediləcək. Şimal küləyinin güclənməsi gözlənilir. Havanın temperaturu gecə 2-5, gündüz 6-9, axşam 2 dərəcəyədək isti olacaq.
Yanvarın 18-də buludlu hava şəraitinin üstünlük təşkil edəcəyi, gecəyə doğru yarımadanın bəzi yerlərində yağıntılı olacağı proqnozlaşdırılır. Şimal küləyi gündüz arabir güclənəcək. Havanın temperaturu gecə 1-3, gündüz 3-5 dərəcə isti təşkil edəcək.
Azərbaycanın rayonlarında yanvarın 17-də hava əsasən yağmursuz olacaq. Gecə və səhər bəzi yerlərdə duman, çiskin müşahidə ediləcək. Arabir güclənən qərb küləyi əsəcək. Havanın temperaturu gecə 1 dərəcə şaxtadan 4 dərəcəyədək isti, gündüz 8-13 dərəcə isti, dağlarda gecə 1-5 dərəcə şaxta, gündüz 5-10 dərəcə isti olacaq. Yüksək dağlıq ərazilərdə havanın minimal temperaturunun 10-15 dərəcə şaxta olacağı gözlənilir.
Yanvarın 18-də bölgələrdə hava arabir yağıntılı olacaq, bəzi yerlərdə sulu qar, dağlıq və dağətəyi rayonlarda qar yağacaq. Qərb küləyi əsəcək, arabir güclənəcək. Havanın temperaturu gecə 3 dərəcə şaxtadan 2 dərəcəyədək isti, gündüz 5-100 isti, dağlarda gecə 3-7 dərəcə şaxta, gündüz 4-8 dərəcə isti proqnozlaşdırılır Yüksək dağlıq ərazilərdə havanın minimal temperaturu 13-18 dərəcə şaxta olacaq.
Tibbi-meteoroloji proqnoza əsasən, yanvarın 17-dən 19-dək Abşeron yarımadasında küləkli hava şəraiti fonunda soyuq temperatur diskomfortu meteohəssas insanlar üçün əsasən əlverişsizdir.