Xəstəxana gözün buynuz qişası, sümük iliyi transplantasiyasını da həyata keçirə biləcək
Nazirlər Kabineti “İnsan orqan və (və ya) toxumalarının transplantasiyası haqqında” qanununun tətbiqi ilə bağlı bəzi normativ hüquqi aktların təsdiq edilməsi haqqında 2011-ci il 17 noyabr tarixli 187 nömrəli qərarında dəyişiklik edib. Simsar.az-ın Nazirlər Kabinetinin rəsmi saytına istinadən verdiyi məlumata görə, dəyişikliyə əsasən “Mərkəzi Klinika” MMC “İnsan orqan və (və ya) toxumalarının transplantasiyasının həyata keçirildiyi ixtisaslaşdırılmış tibb müəssisələrinin Siyahısı”na daxil edilib.
“Mərkəzi Klinika” MMC böyrəklər, qaraciyər, ürək, ürək-ağciyər kompleksi, mədəaltı vəzi və seqmentləri, mədəaltı vəzi 12-barmaq bağırsaqla birlikdə, gözün buynuz qişası, sümük iliyi transplantasiyasını həyata keçirə biləcək.