Atmosfer təzyiqinin xeyli tərəddüdü meteohəssas insanlar üçün əlverişsizdir
Yaxın 2 gündə ölkə ərazisində əsasən, yağmursuz hava şəraiti proqnozlaşdırılır. Ekologiya və Təbii Sərvətlər Nazirliyinin Milli Hidrometeorologiya və Proqnozlar Bürosundan Simsar.az-a verilən məlumata görə, yanvarın 10-da Bakıda və Abşeron yarımadasında dəyişkən, buludlu, əsasən yağmursuz hava gözlənilir. Gecə və səhər duman, axşam havanın tutqun olacağı, cənub-qərb küləyinin gündüz arabir güclənən şimal-qərb küləyi ilə əvəz olunacağı proqnozlaşdırılır. Gecə 4-6 dərəcə, gündüz 7-10 dərəcə isti müşahidə olunacaq.
Rayonlarda əsasən, yağmursuz hava şəraiti proqnozlaşdırılır. Gecə və səhər duman, qərb küləyi əsəcəyi, arabir güclənəcəyi gözlənilir. Temperatur göstəricilərinə gəldikdə, Mərkəzi Aranda gecə 1 dərəcə şaxtadan 4 dərəcəyədək isti, gündüz 8-13 dərəcə isti, dağlarda və dağətəyi rayonlarda gecə 0-5 dərəcə şaxta, gündüz 5-10 isti gözlənilir.
Yanvarın 11-də paytaxtda dəyişkən, buludlu havanın arabir tutulacağı, amma gün ərzində əsasən yağmursuz keçəcəyi proqnozlaşdırılır. Gecə və səhər bəzi yerlərdə duman çiskin, axşam yağış yağacağı ehtimalı var. Şimal-qərb küləyi gündüz cənub-şərq küləyi ilə əvəz olunacaq. Temperatur gecə 3-5 dərəcə, gündüz 6-11 dərəcə isti gözlənilir.
Rayonlarda yanvarın 11-də əsasən, yağmursuz hava şəraiti, gecə və səhər bəzi yerlərdə duman çiskin, axşam bəzi yerlərdə yağıntı gözlənilir. Qərb küləyi əsəcək, arabir güclənəcək. Temperatur Mərkəzi Aranda gecə 1 dərəcə şaxtadan 4 dərəcəyədək isti, gündüz 6-11 dərəcə isti, dağlarda və dağətəyi rayonlarda gecə 1-6 dərəcə şaxta, gündüz 3-8 dərəcə isti olacaq.
Qeyd edək ki, yanvarın 10-dan 12-dək Abşeron yarımadasında iqlim normasına yaxın temperatur rejimi müsbət amil olsa da, atmosfer təzyiqinin xeyli tərəddüdü meteohəssas insanlar üçün əsasən əlverişsizdir.
“Şuşaya qayıdış” devizi altında ümumrespublika seminarı keçirilib
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər
.jpg)
