Dövlət Neft Şirkətinin İnsan Resursları Departamentində “Azəriqaz” İstehsalat Birliyi tərəfindən elan olunan vakansiyalara müraciət edən və müsabiqədən müvəffəqiyyətlə keçən namizədlərlə görüş keçirilib.
Simsar.az-ın şirkətin rəsmi saytına istinadən verdiyi məlumata görə, Birlik tərəfindən elan olunmuş “Təmirçi-çilingər”, “Əl ilə qaynaqda elektrik qaynaqçısı” və “Qaz avadanlıqlarının istismarı və təmiri üzrə çilingər” vakansiyaları üzrə 640 nəfər iş üçün müraciət edib. Peşə sınaq imtahanı və aparılan fərdi müsahibədən keçmiş 313 namizəd qəbul olunub, nisbətən aşağı nəticə göstərmiş 100 nəfər isə kadr ehtiyatı bazasına daxil edilib.
Görüşdə çıxış edən İnsan Resursları Departamentinin rəisi Asif Bəkirli işə yeni qəbul olunanları təbrik edib: “Dövlət Neft Şirkətində bilikli, bacarıqlı, səriştəli peşəkar kadrlara hər zaman iş imkanı vardır”.
Tədbirdə müsabiqədən müvəffəqiyyətlə keçən namizədlər test, peşə sınaq imtahanı və müsahibə prosesinin şəffaf keçirildiyini, neqativ halların baş vermədiyini söyləyiblər və yaradılmış şəraitə görə şirkət rəhbərliyinə minnətdarlıq ediblər.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
