Əfqanıstan polisi Səhər Gülün ərini və qaynanasını həbs edib
Əfqanıstan polisi 5 ay ərzində tualetdə saxlanılan və işgəncələrə məruz qalan 15 yaşlı qadını xilas edib. Ata və anasının şikayyəti əsasında axtarışa başlayan polis Səhər Gülü ərinin evindəki tualetdən tapıb. Əməliyyat zamanı qızın qaynanası da daxil olmaqla 3 nəfər həbs edilib. Səhər Gül isə xəstəxanaya yerləşdirilib. Onun üzərində işgəncə izləri olub: bədənin müxtəlif hissələrində yaralar qeydə alınıb, qolunun biri sındırılıb, dırnaqları yerindən çıxarılıb.
Bu ölkədə aparılan araşdırmaların nəticəsində qadınların 87 faizinin fiziki və psixoloji işgəncələrə məruz qaldığı, qızların 50 faizinin isə 15 yaşına çatmamış zorla ərə verildiyi məlum olub.
Əfqanıstan Müstəqil İnsan Haqları Komissiyasının hesabatında yer alan məlumata görə, 2010-cu ildə 2700, 2011-ci ildə isə 1026 ailədə zorakılıq hadisəsinin baş verdiyi məlum olub.
Xatirə