Kilsə həm ibadət yeri, həm də turist attraksionu kimi istifadə ediləcək
Almaniyanın cənubundakı Mitterfirmiansroyt kurort şəhərciyində buz və qardan kilsə düzəldilib. Təpənin üstündə yaradılmış 26 metr uzunluğunda strukturun üzərində 19 metr hündürlüyündə qüllə və iki giriş qapısı hazırlanıb. Zərif mavi işıq isə buzdan kilsəyə xüsusi gözəllik verib.
Layihə şəhərdə 1911-ci ildə analoji quruluşlu buzdan kilsənin tikilməsinin 100-cü ildönümü münasibətilə hazırlanıb.
Növbəti bir neçə ay ərzində buzdan kilsə ibadət, mədəniyyət tədbirləri və turistləri cəlb edən attraksion kimi istifadə ediləcək.