Partlayış və yanğında 100-dən çox adam da xəsarət alıb
Myanmanın Yanqon şəhərində baş verən partlayış və yanğın nəticəsində ölənlərin sayı 20 nəfərə çatıb. 100-dən çox adamın da xəsarət aldığı bildirilir. Ölənlərdən 4-ü yanğınsöndürəndir. Partlayış Yanqonun Minqalar Taun-Nyunt rayonunda, hökumətin fərdi sahibkarlara icarəyə verdiyi anbarlarda baş verib. Partlayışın baş verməsinin dəqiq səbəbi bilinməsə də, bunun əldəqayırma partlayıcı qurğu ola biləcəyi ehtimal edilir.
Sakinlər güclü partlayışdan sonra bir neçə partlayış səsinin də eşidildiyini bildirirlər. Partlayışın təsirindən yaxınlıqdakı binaların şüşələri qırılıb.