Düşmən cavab atəşi ilə susdurulub
Ermənistan silahlı qüvvələrinin bölmələri dekabrın 28-də bir necə istiqamətdə atəşkəsi pozub. Erməni ordusu saat 18.40-dan 18.44-dək Ermənistanın İcevan rayonunun Berkaber kəndində yerləşən mövqelərdən Qazax rayonunun Qızılhacılı kəndində, saat 20.30-dan 20.45-dək Xocavənd rayonunun Kuropatkino kəndi, saat 22.45-dən 22.50-dək Ağdam rayonunun Yusifcanlı kəndi yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Müdafiə Nazirliyinin mətbuat xidmətindən verilən məlumata görə, düşmən cavab atəşi ilə susdurulub.