Saxta sənədlər tərtib edilərək Dünya Bankının Bakı Ofisinə təqdim edilib
"S.Q.S" Məhdud Məsuliyyətli Cəmiyyətin direktoru, Sumqayıt şəhər sakini Bayram Abdullayev özlərini Dünya Bankının Bakı Ofisinin əməkdaşları kimi təqdim etmiş Bakı şəhər sakinləri Səbinə Cəfərova və Teymur Ağayevlə cinayət əlaqəsinə girərək Goranboy rayonunda Qarğıdalı Emalı Zavodunun inşası üçün 721000 manat məbləğində saxta sənədlər tərtib edərək Dünya Bankının Bakı Ofisinə təqdim edib. Daxili İşlər Nazirliyinin mətbuat xidmətindən Simsar.az-a verilən məlumata görə, toplanmış materiallar üzrə Baş Mütəşəkkil Cinayətkarlıqla Mübarizə İdarəsində cinayət işi başlanıb.
Araşdırmalar davam etdirilir.