Yaxın günlərdə hava şəraitinin ciddi dəyişkənliyi gözlənilmir.
Azərbaycanda Yeni il axşamı qar olmayacaq və hava mülayim keçəcək. Bu barədə çərşənbə günü Simsar.az-a Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun direktoru Umayra Tağıyeva məlumat verib.
Tağıyeva bildirib ki, yaxın günlərdə hava şəraitinin ciddi dəyişkənliyi gözlənilmir.
Dekabrın 31-də Bakıda və Abşeron yarımadasında gündüz 9-12 dərəcə isti proqnozlaşdırılır. Əsasən yağmursuz və dəyişkən buludlu hava şəraiti hökm sürəcək.
Tağıyeva bildirib ki, dekabrın 31-dən yanvarın 1-nə keçən gecə temperatur 3-5 dərəcə intervalında dəyişəcək. Yanvarın 1-də isə dekabrın 31-nə nisbətən temperatur nisbətən enəcək. Gündüz Bakıda və Abşeron yarımadasında 7-9 dərəcə isti proqnozlaşdırılır.
Tağıyeva bildirib ki, dekbarın 31-i gecəyə doğru Azərbaycanın bəzi ərazilərində zəif duman olacaq. Onun sözlərinə görə, Azərbaycanın əksər rayonlarında dekabrın 31-i və yanvarın 1-i yağmursuz, mülayim hava şəraiti hökm sürəcək. Yalnız ölkənin cənub bölgəsində - Lənkəranda fasilələrlə yağış gözlənilir.
Dekabrın 31-də cənub, yanvarın 1-i isə mülayim şimal-şərq küləyinin əsəcəyi proqnozlaşdırılır.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
