Gələn il üçün 27 milyard dollar qazanc hədəflənib
2011-ci ildə Türkiyəyə 30 milyon turist səfər edib. Turizm sektoru 25 milyard dollar gəlirlə ili başa vurublar. Bu o deməkdir ki, Türkiyə turizmdən əldə etdiyi gəlirlərə görə, 7-ci yerdədi.
Simsar.az-ın məlumatına görə, Avropada böhran dərinləşdiyi bir dövrdə Türkiyənin bu qədər qazanc götürməsini rekord göstərici də saymaq olar.
Bu ölkə 2012-ci ildə isə turizmdən 27 milyard dollar gəlir götürməklə, 5-ci yerə yüksəlmək niyyətindədi.
Gələn il Avropa ölkələri ilə yanaşı, İran, Suriya, Çin və Hindistan kimi ölkələrdən də turistlərin cəlb olunması nəzərdə tutulur. Strateji hədəf kimi isə 2023-cü il götürülüb. 50 milyard dollar və 50 milyon turist.
2011-ci ildə Türkiyədə turizmin canlanmasına səbəb olan amillərdən biri ərəb ölkələrindəki inqilablar olub. Ərəb ölkələri əvəzinə Türkiyəyə turist səfərləri edən avropalılar bu ölkəyə milyonlarla manat xeyir veriblər. Fürsətdən istifadə edən Türkirə bəzi ölkələrlə viza rejimini aradan qaldırıb.
RUSLAN