Azərbaycan xarici işlər nazirinin müavini qanunun ermənilərin "yalan tarixi"nə əsaslandığını deyib
"Fransa Milli Assambleyasının qondarma erməni soyqırımı haqqında qəbul etdiyi qanun Fransanın beynəlxalq imicinə ciddi zərbə vuracaq". Türkiyənin "Today's Zaman" qəzetinin yazdığına görə, bu barədə məlumatı Azərbaycan xarici işlər nazirinin müavini Araz Əzimov deyib.
Fransa parlamentindəki səsvermədən narahatlığını ifadə edən, A.Əzimov ATƏT-in Minsk qrupunun həmsədri olan Fransanın belə qərar qəbul etməsini çox qəribə hadisə kimi qiymətləndirib. Onun sözlərinə görə, bu qanun ermənilərin tərəfindən yayılan "yalan tarixə" əsaslanıb.
Nazir müavini belə bir qərarın qəbulundan təəssüfləndiyini qeyd edib. O, bir daha vurğulayıb ki, digər məsələlərdə olduğu ki, qondarma erməni soyqırımı məsələsində də Azərbaycanın mövqeyi Türkiyə ilə eynidir.