Hüquqşünas öz işinə vaxt ayıra bilmir
Dekabrın 7-də İstanbulun Atatürk hava limanında Hüquq Maarifçiliyi Cəmiyyətinin prezidenti, tanınmış hüquqşünas İntiqam Əliyevə qarşı zorakılıqla bağlı aparılan işdə heç bir yenilik qoxdur.
İ.Əliyev Simsar.az-a açıqlamasında bildirib ki, Türkiyədəki vəkillər onun hüquqlarını müdafiə edirlər: “Keçid məntəqəsində quraşdırılmış video kameralardakı görüntüləri əldə etmək mümkün olmayıb. Açığı heç özüm də, bu məsələ ilə yaxından maraqlana bilmirəm. Türkiyə-Fransa münasibətlərinin gərginləşməsi və Azərbaycanda vicdan məhbusları ilə bağlı apardığım işlərə görə, şəxsi müdafiəmə fasilə verməli oldum. Amma Türkiyədəki vəkillər müdafiəmi aparırlar”.
İ.Əliyev dekabrın 7-də Atatürk hava limanında sərhədçilərin fiziki və mənəvi zorakılığına məruz qalıb. Türkiyə səfiri Hulusi Kılıc İntiqam Əliyevlə görüşüb, üzrxahlıq edib.
RUSLAN