Döşəmələr daşdandır, kameralar balaca, asfalt örtüyü dağılıb
Birləşmiş Millətlər Təşkilatının “İşgəncələrə və digər qəddar, qeyri-insani, yaxud ləyaqəti alçaldan rəftar və cəza növlərinə qarşı Fakültativ Protokolu”na uyğun olaraq yaradılan Ombudsmanın Milli Preventiv Mexanizm (MPM) Qrupunun üzvləri Ədliyyə Nazirliyi Penitensiar Xidmətinin 12 saylı Cəzaçəkmə Müəssisəsinə təkrar uzunmüddətli baxış keçiriblər. Ombudsman Aparatından APA-ya verilən məlumata görə, burada 50-dən artıq məhkumla, o cümlədən cərimə təcridxanasında saxlanılan şəxslərlə söhbət zamanı onlar müəssisə əməkdaşlarının rəftarından narazılıq etməyiblər. Məhkumlar məişət otağının yaradılmasını xahiş ediblər.
Baxış zamanı bir sıra çatışmazlıqlar müəyyənləşdirilib. Belə ki, müəssisənin yataqxanalarının döşəmələri daşdandır, cərimə təcridxanasının bəzi kameralarının ölçüsü standartlara cavab vermir, həyətin asfalt örtüyü yaxşı vəziyyətdə deyil. Tibb hissəsində olan xəstə məhkumlar üçün istirahət otağının olmadığı da müəyyən edilib.
Saxlanma şəraitinin təkmilləşdirilməsi ilə bağlı müəssisə rəhbərliyinə müvafiq tövsiyələr verilib. Ombudsman ədliyyə nazirinə müraciət edərək, qeyd olunan tövsiyələrin yerinə yetirilməsi üçün tədbirlərin görülməsini xahiş edib.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
