2012-ci ildə dahi ingilis yazarı Çarlz Dikkenzin anadan olmasının 200 illiyidir.
“British Council” yubiley münasibətilə 2012-ci ili Azərbaycanda Dikens ili elan edərək, Azərbaycan Dövlət Gənc Tamaşaçılar Teatrı ilə birgə bir sıra layihələr gerçəkləşdirəcək.
Teatrın mətbuat xidmətindən Simsar.az-a verilən məlumata görə, sözügedən təşkilatlar Dikkenz ili çərçivəsində “Park Bulvar” AVM-lə birlikdə bir sıra tədbir və fəaliyyət proqramlarını tərtib edib. Dikkenz ili çərçivəsində teatrın repertuarında olan “Oliver Tvistin macəraları” “Dikkenz 2012-ci il” çərçivəsində nümayiş etdiriləcək, bundan başqa İngilis dilinin tədrisi, təhsil və incəsənət tədbirləri, foto sərgiləri, film nümayişlərinin həyata keçirilməsi nəzərdə tutulur. Fotosərgilər gənc fotoqrafları ruhlandırmaq üçün Dikkenzin həyat və yaradıcılığına həsr olunacaq. 2011-ci il dekabr ayından, 2012-ci il fevral ayına kimi Bakıdakı bir sıra məktəb və ali təhsil ocaqlarında “Oliver!” və “Böyük Ümidlər” filmləri göstəriləcək. Fevral ayında Gənc Tamaşaçılar Teatrının “Gümüş maska” salonunda görkəmli yazarın əsərlərinin qəhrəmanlarından ibarət tədbirdə mükafatlandırma mərasimi keçiriləcək.
Qeyd edək ki, Dikkenz ilinin Azərbaycanda keçirilməsinin əsas məqsədi Çarls Dikkenz yaradıcılıq irsinin yada salınması, həyat və yaradıcılığına aid müxtəlif mövzulara dair tədbirlərlə İngiltərə ədəbiyyatının ən tananmış şəxsiyyətlərindən biri haqqında oxucuları və tamaşaçıları məlumatlandırmaqdan ibarətdir.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
