Azərbaycanın yüksək templərlə inkişafı ölkədə aparılan islahatlara sübutdur
Dünyanın nüfuzlu araşdırma və sorğu şirkətlərindən biri “Gallup İnternational”ın 2011-ci ilin son sonlarında dünyanın 51 ölkəsində apardığı “Qlobal Ümid və Ümidsizlik Barometri” adlı sorğusuna əsasən Azərbaycan inkişafda olan ölkələr qrupu üzrə 51 ölkə arasında 8-ci yeri tutub.
Simsar.az-ın Azərbaycan Marketinq Cəmiyyətinin mətbuat xidmətinə istinadən verdiyi xəbərə əsasən, bu göstərici ölkə əhalisinin gələcəyə ümid bəslədiyini, hazırkı ilə nisbətən qarşıdakı ildə əhalinin rifah səviyyəsinin daha da yüksələcəyinə inandığını, 2012-ci ildə Azərbaycanın inkişafına böyük nikbinliklə baxdığını göstərir.
Sorğuya əsasən, Azərbaycan həmçinin cari ildə ən yüksək irəliləyiş əldə etmiş ölkələr sırasında ilk yerlərdən birində qərarlaşıb.
Eyni zamanda, araşdırma bunu da göstərir ki, ümidsizlik dərəcəsi Avropa və Şimali Amerikada dünyanın digər ölkələri ilə müqayisədə daha yüksəkdir. Hesabatda qeyd edilir ki, son 34 il ərzində keçirilən sorğulara nisbətən bu ilin göstəricilərini dünya üzrə ən pessimist göstəricilər hesab etmək olar.
Sorğu bu il dünya ölkələri üzrə 45 000-dən artıq respondent arasında aparılıb. Etibarlı və yüksək peşəkarlıqla fərqlənən metodologiya, respondentlərin geniş əhatə dairəsi və ümumi obyektivliklə seçilən bu reytinqdə Azərbaycanın yüksək templərlə inkişafı ölkədə aparılan islahatlar və siyasətin əhali tərəfindən yüksək qiymətləndirilməsinə sübutdur.
“Gallup International” araşdırma və sorğu Assosiasiyası 60 ildən artıq bir dövrdə fəaliyyət göstərir və dünyada sosial, siyasi və iqtisadi tədqiqatlar üzrə aparıcı araşdırma qruplarından biridir. “Qlobal Ümid və Ümidsizlik Barometri” hesabatı isə 1977-ci ildən başlayaraq ildə bir dəfə hazırlanır.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
