Bazar günü hava meteohəssas insanlar üçün əlverişsizdir
İstirahət günlərində ölkə ərazisində buludu, dəyişkən hava şəraiti proqnozlaşdırılıb. Ekologiya və Təbii Sərvətlər Nazirliyinin Milli Hidrometeorologiya və Proqnozlar bürosundan Simsar.az-a verilən məlumata görə, dekabrın 24-də Bakıda və Abşeron yarımadasında gecə və səhər zəif dumanlı, çiskin hava gözlənilir. Gecəyə doğru az yağış yağacağı ehtimalı var, mülayim şimal-şərq küləyi əsəcək. Temperatur gecə 3-6 dərəcə, gündüz 6-11 dərəcə isti müşahidə olunacaq.
Dekabrın 25-də Bakıda buludu hava şəraiti proqnozlaşdırılır. Səhər və axşam yağış yağacaq, gündüz arabir güclənən şimal küləyi əsəcək. Paytaxtda gecə 3-5 dərəcə, gündüz 5-8 dərəcə isti gözlənilir.
Regionlarda dekabrın 24-də əsasən yağmursuz hava proqnozlaşdırılır. Səhər saatlarında duman, çiskin olacaq, lakin axşam bəzi yerlərdə yağıntılı olacağı gözlənilir. Cənub küləyi əsəcək. Mərkəzi Aranda gecə 0-5 dərəcə, gündüz 5-9 dərəcə isti olacaq. Dağlarda və dağətəyi rayonlarda gecə 0-5 dərəcə şaxta, gündüz 3-7 dərəcə isti müşahidə olunacaq.
Dekabrın 25-də bəzi yerlədə yağıntılı hava gözlənilir. Arabir güclənən qərb küləyi əsəcək. Mərkəzi Aranda gecə 4 dərəcə şaxtadan 2 dərəcəyədək, gündüz 4-8 dərəcə isti proqnozlaşdırılır. Dağlarda və dağətəyi rayonlarda gecə 2-7 dərəcə şaxta, gündüz 1-4 dərəcə isti müşahidə olunacaq.
Dekabrın 24-də Abşeron yarımadasında meteoroloji amillərin zəif və mülayim tərəddüdü meteohəssas insanlar üçün əlverişlidir. Dekabrın 25-də gündüz rütubətli küləkli hava şəraiti bəzi merteohəssas insanlarda diskomfort hissi yarada bilər.