Biri gözləyir, birinin vaxtı yoxdur, digəri isə “bizlik deyil” deyir
Qarşıdan yeni il gəlir. Sovet quruluşu dağıldığı ərəfədə bu təqvimə münasibət dəyişsə də, indi demək olar ki, böyük əksəriyyət “31 Dekabr Milli Həmrəylik günü”nü və “Yeni il”i təntənəli formada qeyd edir. Digər tərəfdən də hər iki bayram Məhərrəmlik ayına təsadüf edir. Maraqlıdır, siyasilər bayramı necə keçirəcəklər?
AVP sədri Fəzail Ağamalı yeni ili evdə, ailəsi ilə birlikdə qarşılayacaq. Amma onların evində «yolka» qurulmayacaq: «Yolkanı nəvələrim quracaq. Onlar isə bizimlə birlikdə yaşamır».
Məhərrəmlirk ayında bayram keçirilməsinin doğru olub-olmadığına gəlincə, F.Ağamalı hesab edir ki, bu yanaşma tərzindən asılıdır: «Bizim uşaqlıqdan adət etdiyimiz ənənəyə görə, «Aşura» gününə qədər yas saxlanılır. Bundan sonra hər hansı bir tədbiri keçirmək dini əqidəyə zidd deyil. Digər tərəfdən isə bizim evdə içki içilmir, ailə ilə birlikdə toplaşıb bir tikə çörək yemək heç də qəbahət deyil».
ADP sədri Sərdar Cəlaloğlu isə ümumiyyətlə yeni ili qeyd etməyəcək: «Biz bu bayrama hazırlaşmırıq. O vaxtdan sovet qurluşuna protest olaraq, bu quruluşa xas olan bütün bayramları da ləğv etmişik. Bu xristian dininə mənsub bir təqvimdir. Doğrudur, 31 dekabr həm də Dünya Azərbaycanlılarının Həmrəylik Günü kimi qeyd olunur, amma təəssüf ki, bu gün bunu da qeyd etmək mümkün deyil».
Azərbaycan Naminə İctimai Forumun rəhbəri Eldar Namazovun isə bayram haqqında fikirləşməyə hələ vaxtı olmayıb: «Dekabrın 29-da “Ziyalılar forumu” keçiriləcək. Çalışırıq ki, bu tədbirimizi vaxtında və keyfiyyətli təşkil edək. Bütün diqqətimizi buna yönəltmişik». Məhərrəmlik ayında bayram gününü qeyd etməyə gəlincə, E.Namazovun fikrincə, hər kəs öz istəyinə uyğun hərəkət etməlidir: «Azərbaycan dünyəvi dövlətdir. Ölkədə əhalinin əksəriyyəti islam dininə mənsub insanlardan ibarətdir. Həmçinin biz, çox tolerant xalqıq. Digər xalqlarda olan maraqlı və faydalı təcrübələri tədbiq etməyi xoşlayırıq. Qanun Azərbaycan vətəndaşlarının sərbəst olmağına yol verir. Kim necə istəyir, o cür də keçirsin».
Xatirə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
