Bundan qorunmaq üçün diş həkiminə tez-tez müraciət etmək lazımdır
Ağızın içindəki yara xərçəng xəstəliyinin əlaməti ola bilər. Türkiyədəki Süleyman Dəmirəl Universitetinin alimləri bu nəticəyə gəliblər.
Simsar.az türk mətbuatına istinadən xəbər verir ki, Universitetin Diş Həkimliyi Fakültəsinin müəllimi doktor Nurgül Kömərik ağız xərçənginin yaranmasına əsas səbəb siqaret və spirtli içkilər olduğunu bildirib.
Ağızdıkı hər bir yaranın xərçəng olmadığını qeyd edən N.Kömərik xəstəliyin əlamətlərini sadalayıb. O deyib ki, xəstəlik ağızın içində sağalmayan qırmızı və ya ağ ləkənin yaranması formasında özünü biruzə verir. İlk vaxtlarda ağrı hissi olmur, sonra isə ağızda, o cümlədən də boğazda problemlər yaranır. Xüsusilə 45 yaşından yuxarı şəxslərin bu xəstəliyə tutlma riski var. Xəstəlik qadınlara nisbətən kişilərdə daha çox təsadüf edilir. Amma ağız xərçəngi çox yayılmış xəstəliklərə aid edilmir. Hər 100 xərçəngdən yalnız ikisi ağızda yarana bilər.
Bu cür xəstələrin yaşama müddəti 5 il sürür. N.Kömərik bildirib ki, bu xəstəlikdən qorunmaq üçün mütəmadi olaraq diş həkiminə müraciət edilməli, siqaret və spirtli içkilərdən imtina edilməlidir.
Xatirə