Azərbaycan Milli Elmlər Akademiyası (AMEA) Nazirlər Kabineti qarşısında fəlsəfə doktoru proqramı üzrə doktoranturaya qəbul imtahanlarının nəticələri açıqlayıb
AMEA-nın Rəyasət Heyətinin elmi katibi Sərxan Abbasoğlu deyib ki, Nazirlər Kabinetinin (NK) bu ilin martın 7-də verdiyi qərarla 2011-ci il üçün AMEA-ya fəlsəfə doktoru proqramı üzrə 174 nəfər əyani, 29 nəfər qiyabi olmaqla, 215 yer ayrılıb.
Bu yerlər üzrə 478 nəfər ərizə verib. Onlardan 317 nəfəri ali təhsil müəssisələrini fərqlənmə diplomu ilə bitirən gənclər olub. Ərizələr müvafiq komissiyalar tərəfindən ekspertizadan keçirildikdən sonra qəbul imtahanlarına 460 nəfər buraxılıb.
Onlardan 317-si oktyabr-noyabr aylarında keçirilən imtahanlarda uğurla başa çatdırıb. Həmin şəxslərin 123 nəfəri ən yüksək nəticə olan 15 bal, 83 nəfəri isə 14 bal toplayıb.
AMEA-nın elmi müəssisələrinin Elmi şuralarında ilkin müzakirələrdən sonra plandan əlavə 97 nəfərin kənarda qaldığı məlum olub. Onlardan 56 nəfəri 15 və 14 bal, 21 nəfəri 13 bal, digərləri isə aşağı bal toplayanlardır.
Abbasoğlu deyib ki, müəyyən prioritet sahələr üzrə elmi inkişaf etdirmək və həmin sahələr üzrə yüksək səviyyəli kadrlar hazırlamaq, eyni zamanda, son iki 2 ildə yüksək səviyyəli kadr hazırlığı sahəsində fasilənin yarandığını nəzərə alaraq, AMEA 2011-ci il üçün fəlsəfə doktoru hazırlığı üzrə əlavə 50 plan yerinin ayrılması barədə NK-ya müraciət etməyə hazırlaşır.
Bu il Azərbaycanda doktoranturaya qəbul ilk dəfə keçirilib. AMEA-nın elmi təşkilat və müəssisələrində olan 215 plan yerinə 478 nəfər sənəd verib.
Azərbaycanda fəlsəfə proqramı üzrə doktoranturaya qəbul imtahanları oktyabr-noyabr aylarında keçirilib.
Azərbaycan Nazirlər Kabinetinin 1 iyul 2010-cu il tarixli qərarına uyğun olaraq, fəlsəfə doktoru proqramı üzrə doktoranturaya ali təhsili olan (ali təhsil pilləsinin magistratura səviyyəsini bitirən, yaxud təhsili ona bərabər tutulan, tibbi təhsildə isə həkim və həkim-mütəxəssis) Azərbaycan vətəndaşları müsabiqə əsasında qəbul oluna bilərlər.
Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağa qadir və "Fəlsəfə doktoru" (elmlər namizədi) elmi (alimlik) dərəcəsi olan Azərbaycan vətəndaşları qəbul ediləcəklər.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
