"Söz azadlığı və jurnalistlərin müdafiəsinə yardım fondu” 2700 manatı bölüşdürdü
Açıq Cəmiyyət İnstitutu Yardım Fondunun maliyyə dəstəyi ilə fəaliyyət göstərən “Söz azadlığı və jurnalistlərin müdafiəsinə yardım fondu” İdarə Heyətinin növbəti iclası keçirilib.
Qurumun mətbuat xidmətindən Simsar.az-a daxil olan məlumata görə, fondun təsisçiləri “Yeni Nəsil” Jurnalistlər Birliyi, “Azərbaycan Jurnalistlər Birliyi”, “Nəcəf Nəcəfov Fondu” və Azərbaycan Demokratik Jurnalistlər Liqasıdır.
Fondun İdarə Heyətinin iclasında ötən müddət ərzində daxil olan 8 müraciətə baxılıb. Müraciətlərdən ikisi Fondun əsasnaməsinin tələblərinə uyğun gəlmədiyinə görə saxlanıb, beşi isə təmin edilib. Ümumilikdə 2700 ABŞ dolları məbləğində maliyyə yardımı ayrılması barədə qərar qəbul olunub.
Fondun Əsasnaməsinin:
peşə fəaliyyəti ilə əlaqədar həlak olan jurnalistin ailə üzvlərinə
yardım edilməsi bəndinə görə yazıçı-publisist Rafiq Tağının ailəsinə 1300 ABŞ dolları məbləğində maliyyə yardımı edilib.
- həbs edilən jurnalistin ailə üzvünə və ya rəsmi nümayəndəsinə
yardım edilməsi bəndinə görə “Xural” qəzetinin baş redakroru Əvəz Zeynallının ailəsinə 600 ABŞ dolları məbləğində maliyyə yardımı edilib.
- məhkəmə prosesinə cəlb edilən jurnalistin müdafiəsinə yardım
edilməsi bəndinə görə Reportyorların Azadlıq və Təhlükəsizlik İnstitutunun (RATI) Naxçıvan MR üzrə bölgə müxbiri Həkimeldostu Mehdiyevə 500 ABŞ dolları məbləğində maliyyə yardımı edilib.
- peşə borcunu yerinə yetirərkən xəsarət alan jurnalistin müalicəsinə yardım edilməsi bəndinə görə “Ayna-Zerkalo” qəzetinin əməkdaşı İdrak Abbasova 300 ABŞ dolları məbləğində maliyyə yardımı edilib.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
