Azərbaycanın Dini Qurumlarla İş üzrə Dövlət Komitəsi (DQİDK) yazıçı-jurnalist Rafiq Tağının qarşı edilən sui-qəsdə münasibət açıqlayıb.
DQİDK-nin mətbuat xidmətindən APA-nın sorğusuna cavab olaraq bildirilib ki, yazıçı-jurnalist Rafiq Tağıya qarşı edilən sui-qəsd kriminal xarakterli hadisədir.
“Hadisənin hansı səbəbdən törədildiyini istintaq müəyyənləşdirəcək. Lakin bütün hallarda, insanın, xüsusilə də söz adamının qətlə yetirilməsi, yaxud ona qarşı sui-qəsd qəbuledilməzdir. Rafiq Tağının ölümündən sonra ayətullah Cavad Lənkəraninin verdiyi bəyanatda səsləndirilən fikirlər isə nəinki din xadiminə, hətta sadə müsəlmana da yaraşmır. Dini etiqadından asılı olmayaraq, insan həyatı dəyərlidir və başqasının ölümünə sevinməyə nə insani, nə də dini baxımdan haqq qazandırmaq olar”, - deyə Dövlət Komitəsindən bildirilib.
Qeyd edək ki, noyabrın 19-da naməlum şəxs tərəfindən bıçaqlanan R. Tağı noyabrın 23-də xəstəxanada vəfat edib. C. Lənkərani isə atası, İranın tanınmış ayətullahlarından olan Fazil Lənkəraninin R. Tağı barəsində çıxardığı ölüm fətvasının icra olunmasını alqışlayıb.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
