“Britsh Council layihəyə başladı
Ötən gün Naxçıvan şəhərindəki Heydər Əliyev adına orta məktəbdə “British Council ilə ingilis dili” adlı layihənin təqdimat mərasimi keçirilib.
Simsar.az-ın Naxçıvan üzrə müxbiri Elxan Yurdoğlu xəbər verir ki, layihə “Britsh Council” Azərbaycan nümayəndəliyi ilə Naxçıvan Muxtar Respublikası Təhsil Nazirliyi arasında orta təhsil müəssisələri müəllimlərinin ixtisaslaşma və təkmilləşdirilməsi məqsədilə həyata keçirilib.
Təqdimat mərasimində Naxçıvan MR Təhsil naziri Piri Nağıyev, məktəbin direktoru, Azərbaycanın əməkdar müəllimi Namiq Məmmədov çıxış edərək ingilis dili fənni üzrə kadr hazırlığı üçün layihənin əhəmiyyətdindən danışıblar.
“Britsh Council” Azərbaycan üzrə nümayəndəsi Pol Klementson tədbirin keçirilməsində əsas məqsədlərinin ingilis dilinin xalqlar arasında qarşılıqlı anlaşma dili kimi rolundan maksimum istifadə etmək olduğunu bildirib. O vurğulayıb ki, “Britsh Council” 109 ölkədə fəaliyyət göstərərək insanlar arasında bərabər imkanlar siyasətinə dəst olmağa çalışır.
Təqdimat mərasimin sonunda məktəbin elektron siniflərindən birində layihənin nəzərdə tutulmuş seminar məşğələsi keçirilib.
Layihə 2012-ci ilin aprel ayınadək davam edəcək.
Simsar.az