Hadisə şagirdlər poliklinikadan qayıdarkən baş verib
Təhsil Nazirliyi Bakıda məktəblinin peyvənd vurulmasından sonra qəfil ölümü hadisəsi ilə bağlı açıqlama verib. Nazirliyin texniki peşə təhsili şöbəsinin müdiri Namiq Məmmədovun Simsar.az-a verdiyi məlumata görə, noyabrın 28-də Lökbatan qəsəbəsi ərazisində yerləşən 7 saylı peşə məktəbinin şagirdləri qəsəbə poliklinikasında peyvənd olunub. Şagirdlər yenidən məktəbə qayıdarkən həmin təhsil müəssisəsinin şagirdi, 1995-ci il təvəllüdlü Salmanov Namiq Nadir oğlu qəflətən yıxılıb və dünyasını dəyişib. Müəllimlər şagirdin öldüyünü müəyyən edib.
Mərhumun meyiti bu gün günorta saatlarında ailəsinə təhvil verilib. Hazırda peşə məktəbinin direktoru Hicrət Qaradağlı da daxil olmaqla məktəb kollektivi 16 yaşlı N.Salmanovun ailəsinin yanındadır.
Qeyd edək ki, Qaradağ rayon prokuroru Fəxrəddin Pənahov Lent.az-a açıqlamasında hadisə ilə əlaqədar zəruri şəxslərin izahatının alındığını və araşdırma aparıldığını bildirib.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
