Buzlar əridi
Bakı-Şamaxı-Ağsu yolunda avtomobillərin hərəkəti tam bərpa edilib. Bu barədə Simsar.az-a açıqlamasında Baş Dövlət Yol Polisi İdarəsinin şöbə rəisi Kamran Əliyev məlumat verib.
Bakı-Şamaxı-Ağsu yolunun qardan və buzdan təmizləndiyini deyən şöbə rəisi Ağsu aşırımının da açıldığını qeyd edib.
K. Əliyev bildirib ki, yolların buz bağlaması nəticəsində ötən gün respublika ərazisində 9 yol qəzası qeydə alınıb. Nəticədə 4 nəfər ölüb, 27 nəfər isə xəsarət alıb.
Qeyd edək ki, Azərbaycan ərazisində havaların kəskin soyuması nəticəsində Bakıda və rayonlarda yolları buz bağlayıb, nəqliyyatın hərəkətində ciddi problemlər yaşanıb.