Dünən jurnalistlər, deputatlar və məmurlar üçün ağır gün idi
Noyabrın 24-də yağan qarın iflic hala saldığı Bakıda təkcə sıravi vətəndaşlar, jurnalistlər deyil, millət vəkilləri də saatlarla tıxacda qalmalı olublar.
Simsar.az-ın məlumatına görə, deputat Çingiz Qənizadə Lent.az-a açıqlamasında bildirib ki, dünən təxminən 3 saat tıxacda qalmalı olub: “Mən heç 20 Yanvar istiqamətindən getmirdim. Sadəcə, Tbilisi prospektindən keçərək digər yola keçmək istəyirdim. Amma yollar bərbad vəziyyətdə idi, elə yerlər var ki, qazıb töküblər, heç üstünü də örtməyiblər. Təsəvvür edin, yolun ortasında dərinliyi 35-40 santimetr olan çala qazılıb. Keçmək istəyən bütün maşınlar ora düşürdü, maşının altı dəyirdi. O biri sürücülər gəlib onu birtəhər çıxarırdılar. Belə yüzlərlə maşın yollarda qalmışdı. Sonra deyirlər Bakıya qar yaraşmır, qış yaraşmır. Məncə, bu şəhərə elə Hacıbala Abutalıbovun özü də yaraşmır”.
Ç.Qənizadə onu da bildirdi ki, Milli Məclisin sədri Oqtay Əsədov, deputat həmkarı Qənirə Paşayeva da saatlarla tıxacda qalıb: “Bildiyimə görə, Oqtay müəllim Sulutəpə istiqamətində tıxacda qalıb. Bundan başqa, Qənirə xanım 3 saat yarım tıxacda gözləmək məcburiyyətində qalıb. Axırda görüb ki, gedə bilməyəcək, düşüb şəhərə qayıdıb, anası evində qalıb. Bu biabırçılıq Bakı şəhər İcra Hakimiyyətinin, “Azəryolservis”in yarıtmaz fəaliyyətinin nəticəsidir”.
Millət vəkili Qənirə Paşayeva Lent.az-a açıqlamasında noyabrın 24-də saatlarla tıxacda qaldığını təsdiqləyib.
“Mən özüm saatlarla tıxacda qalmışam. Parlamentdən 20 Yanvar metrostansiyası üzərindəki körpüyədək 3 saat yarıma gəlib çıxmışıq. Orda da 40-50 dəqiqə hərəkətsiz vəziyyətdə qaldıq, maşınlar bir addım belə irəli gedə bilmirdi. Axırda məcbur olub yolun əks istiqaməti ilə mərkəzə, yaxınlarımın evinə qayıtmışam. İnsanlar vardı ki, 5-6 saatdan da çox tıxacda dayanmışdı. Bu, birbaşa olaraq Bakı şəhər İcra Hakimiyyətinin ciddi məsuliyyətsizliyidir. Həmin saatlarda bircə texnika da görmədik ki, yolu açmağa çalışsın, qum, duz səpsin”.
Bəzi məlumatlara görə, BŞİH rəhbəri Hacıbala Abutalıbovun özü də dünən taxacda qalıb.
Yaranmış vəziyyətə görə, H.Abutalıbova qarşı hakimiyyət düşərgəsində də, ciddi tənqidlər səslənir.
RAMİL
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
