Kazım Abdullayev: “Mənim “Facebook” profilim yoxdur, heç kompyuterdən də başım çıxmır”
“Facebook” sosial şəbəkəsində əməkdar artist Kazım Abdullayevin adına açılan hesabda yalnış xəbərlər yayımlanır. Ötən gecə həmin profildə xalq artisti Yaşar Nurinin ölüm xəbəri verilib. Eyni məlumat bundan əvvəl noyabrın 17-də də statusa yazılıb. K.Abdullayevi tanıyanlar bu profilin saxta olduğunu iddia edir.
Simsar.az saytı məsələyə aydınlıq gətirmək üçün aktyorla əlaqə saxladı. K.Abdullayev “Facebook”da hesabının olmadığını bildirdi: “Ümumiyətlə, mənim kompyuterdən o qədər də başım çıxmır. Demək, mənim adımdan səhv xəbər yayır?.. Mən onu “əclaf adam” adlandıraram”.
Aktyor saxta profildə məhz Yaşar Nuri haqqında təsdiq olunmayan məlumatların kim tərəfindən və hansı məqsədlə yayıldığını bilmir: “Yaşa Nuri xəstəxanadadı, şükür sağ-salamatdı. Mənsə teatrdayam, onun durumu ilə bağlı xəbər yaymağa heç vaxtım da olmur”.
K.Abdullayev saxta profil yaradan şəxsədən həmin hesabı ləğv etməyi tələb edib: “Oğlum həmin adama məktub göndərib. O da deyib ki, sizin fanatınızam ona görə bu profili yaratmışam. Hardasa bir-iki ay olar bu hesab açılıb. Dəfələrlə demişik ki, adımı ordan silsin, amma faydası yoxdur.”
Aktyor deyir ki, bu barədə “Facebook” idarəçilərinə şikayət göndərmək fikrindədir: “Sadəcə, vaxtım olmur. Oğluma deyəcəm bu işlə məşğul olsun”.
K.Abdullayev hazırda Azərbaycan Dövlət Milli Dram Teatrında çalışır.
Arifə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
