Yol polisi xəbərdarlıq etdi
Baş Dövlət Yol Polisi İdarəsi şaxtalı hava şəraiti və yolların buz bağlaması ilə əlaqədar sürücülərə növbəti dəfə müraciət edib. İdarənin mətbuat xidmətindən Simsar.az-a daxil olan məlumata görə, hazırda Bakı-Şamaxı, Bakı-Quba, İsmayıllı-Muğanlı yolları, həmçinin Ağsu dolayları tamamilə buzlaşıb. Bu yollarda hərəkət məhdudlaşıb və yalnız iki oxu aparıcı olan, xüsusi zəncirli və qış təkərləri ilə təmin olunmuş nəqliyyat vasitələrinin hərəkəti tövsiyə olunur.
K.Əliyev onu da bildirdi ki, hazırda Kürdəmir, Sabirabad, Yevlax və Balakən rayonlarında hələ də qar yağır. Lakin yollarda buzlaşma yoxdur. Son sutkada isə respublika ərazisində 16 yol nəqliyyat hadisəsi baş verib, nəticədə 2 nəfər ölüb, 17 nəfər isə xəsarət alıb.