Səməd Seyidov: "Azərbaycana ikili standartlarla yanaşmaq əməkdaşlığa xələl gətirir"
Milli Məclisin beynəlxalq əlaqələr komitəsinin sədri, Azərbaycanın Avropa Şurası Parlament Assambleyasındakı nümayəndə heyətinin rəhbəri Səməd Seyidov noyabrın 17-də “Media forum” saytına açıqlama verib.
O qeyd edib ki, AŞPA-nın Azərbaycanda siyasi məhbuslar mövzusunda hər hansı müzakirə aparması gözlənilmir: “Belə müzakirə olmayacaq. Avropa Şurası ilə Azərbaycan arasında əməkdaşlıq ölkənin Avropa Şurasına girərkən üzərinə götürdüyü öhdəliklərin reallaşdırılmasına əsaslanır. Bu, ikitərəfli əməkdaşlıqdır. Biz dəfələrlə demişik ki, Azərbaycana ikili standartlarla yanaşmaq əməkdaşlığa xələl gətirir”.
S.Seyidov bildirib ki, AŞPA-nın hansısa strukturunda Azərbaycanda siyasi məhbus mövzusunda müzakirə aparılacağı haqda bəzi dairələrin dediklərinin əsası yoxdur: “Sadəcə, bu sahədə ümumən Avropa Şurasına üzv ölkələrdə olan ümumi vəziyyətə dair müzakirə keçiriləcək. Bunu əsas götürüb Azərbaycanı hədəf seçənlər öz məqsədlərinə nail ola bilməyəcəklər”.
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
