Bu, 3-cü yardım karvanıdır
APA-nın məlumatına görə, Fövqəladə Hallar Nazirliyinin (FHN) Mülki Müdafiə Qoşunlarının komandanı general-mayor İlham Abdullayev bildirib ki, 10 avtomobildən ibarət yardım karvanı İran ərazisindən keçərək Türkiyəyə daxil olacaq. Karvanla zəlzələdən zərər çəkənlər üçün nəzərdə tutulmuş 150 ədəd çadır, 200 ədəd yataq çarpayısı göndərilir.
İ.Abdullayevin sözlərinə görə, dövlət başçısının göstərişi ilə bundan əvvəl 1250 ədəd çadır, 700-ə yaxın yataq dəsti, 5 min adyal, 40 generator, 40 mətbəx ləvazimatı və 2 səhra mətbəxi təbii fəlakətdən zərərçəkmiş bölgəyə çatdırılıb. Bu, artıq Türkiyənin Van bölgəsinə göndərilən üçüncü yardım karvanıdır.