"Rafiq Əliyevə qarşı təzyiqlərə dərhal son qoyulmalı, işinə bərpa edilməli və onun imkanlarından dövlət və cəmiyyətimiz üçün daha geniş miqyasda istifadə olunmalıdır"
Qarabağ Azadlıq Təşkilatı (QAT) dünya şöhrətli alim Rafiq Əliyevə qarşı olan təzyiqləri qətiyyətlə pisləyir.
Bu barədə Simsar.az-a QAT-dan məlumat verilib. Bildirilib ki, bu addımın heç bir məntiqi yoxdur və dövlətin imicinə ağır zərbə vurur. Rafiq Əliyev kimi adamları incitmək, sıxışdırıb kənara atmaq deyil, onlardan dövlətçiliyin ümumi maraqları naminə ən müxtəlif istiqamətlərdə istifadə olunmalıdır.
Məlumatda deyilir: "Azərbaycan dövlətinə, hakimiyyətinə və xalqına ikiüzlü, yaltaq, riyakar, konyukturaya uyğun mövqeyini dəyişən yalançı “ziyalılar” deyil, Rafiq Əliyev kimi sözün düzünü deyən, milli maraqları düşünən, bir sifəti olan insanlar gərəkdir. Rafiq Əliyev ölkədə demokratik proseslərin inkişafına, ədalətli cəmiyyətin formalaşmasına, elmin və təhsilin tərəqqisinə öz payını verə bilər. Dünyanın elm aləmində tanınan alimin imkanlarından Qarabağ həqiqətlərinin dünyaya çatdırılması, erməni yalanlarının ifşa olunması üçün də istifadə etmək olardı. Rafiq müəllim Qarabağ bölgəsindəndir, onun da ata yurdu düşmən tapdağı altındadır. O, Qarabağ yanğısı ilə yaşayır və bir ziyalı kimi torpaqlarımızın işğaldan azad olunması yolunda çalışır. Hesab edirik ki, Rafiq Əliyevə qarşı təzyiqlərə dərhal son qoyulmalı, işinə bərpa edilməli və onun imkanlarından dövlət və cəmiyyətimiz üçün daha geniş miqyasda istifadə olunmalıdır".
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
.jpg)
