Daha bir yol bağlandı
Noyabrın 5-də səhər saatlarından Bakı Metropoliteninin “Məşədi Əzizbəyov” stansiyasının yanından Heydər Əliyev prospektinə giriş bağlanıb. Bu səbəbdən, Sabunçu dairəsi istiqamətindən şəhərə gələn avtomobillərdən nəhəng tıxac yaranıb.
Metropolitenin baş mühəndisi Elbrus Muradov Lent.az-a açıqlamasında deyib ki, bu, prospektin həmin hissəsində yolda yeraltı keçidin tikintisi ilə bağlıdır.
O, tikinti işlərinin bu ilin sonunadək yekunlaşmasının nəzərdə tutulduğunu söyləyib: “Keçid tikildikdən sonra yol açılacaq”.