Aqil Abbas deyir ki, xalq artistinin başında şiş var
Millət vəkili Aqil Abbas Türkiyədə Qədir Rüstəmova baş çəkib. Bu barədə Simsar.az-a məlumat verən millət vəkili bildirib ki, həkimlər Q.Rüstəmovun yaşayacağına söz veriblər.
“Həkimlər Qədirin səhhətilə yüksək səviyyədə məşğul olurlar. Əllərindən gələni edirlər ki, onu həyata qaytarsınlar. Başında əməliyyat aparıblar. Həkimlərin dediyinə görə, onun başında şiş tapılıb. Həmin şiş götürüldükdən sonra Qədirin həyatını xilas etmək mümkün olacaq” deyə, A.Abbas bilidirb.
A. Abbas onu da qeyd edib ki, Q. Rüstəmovun səhhətilə Azərbaycan səfirliyinin və konsulluğunun nümayəndələri yaxından maraqlanırlar. Hətta Azərbaycanın İstanbuldakı baş konsulu Həsən Zeynalov da bu gün onun səhhətilə maraqlanmaq üçün xəstəxanaya gəlib.
RAMİL