Noyabrın 2-də Bakıda yanğın hadisəsi baş verib.
Simsar.az-ın Fövqəladə Hallar Nazirliyinin saytına istinadən verdiyi məlumata görə, Xətai rayonunda vətəndaşa məxsus şirkətin ərazisində həcmi 150 kub metr olan bitum qızdırılan çənin içərisindəki 80 kub metr bitumdan sobaya və ətrafa dağılmış 10 kub metr bitum yanıb.
Hadisə yerinə cəlb olunmuş yanğınsöndürənlər tərəfindən çən, eləcə də çəndə olan bitum yanğından mühafizə olunub. Yanğın saat 09:15-də söndürülüb.