Sergey Stepaşin: "Azərbaycanda sabitliyin, əmin-amanlığın etibarlı qorunmasından məmnunuq"
Azərbaycanın daxili işlər naziri, general-polkovnik Ramil Usubov Rusiya Federasiyası Hesablama Palatasının sədri Sergey Stepaşini qəbul edib. Daxili İşlər Nazirliyinin mətbuat xidmətindən Simsar.az-a verilən məlumata görə, R. Usubov kriminogen durum barədə məlumat verib, rəhbərlik etdiyi qurumda aparılan islahatlardan, iki ölkənin Daxili İşlər nazirlikləri arasındakı əlaqələrdən danışıb.
Öz növbəsində, S. Stepaşin Azərbaycanda sabitliyin, əmin-amanlığın etibarlı qorunmasından məmnunluğunu bildirib, Azərbaycanda son dəfə 5 il əvvəl olduğunu, ötən müddət ərzində paytaxt Bakının tanınmaz dərəcədə dəyişdiyini və müasir Avropa şəhərlərindən birinə çevrildiyini deyib.