Hadı Rəcəbli: "Artıq insanların bir çoxu anlayır ki, toylarımız israfçılıqdı, səs-küydü, istirahət deyil, ən əsası bayram deyil”.
“Mərasimlər haqqında” qanun layihəsinin hazırlanması istiqamətində işlər gedir.
Simsar.az-ın verdiyi məlumata görə, bunu Milli Məclisin Sosial siyasət komitəsinin sədri Hadı Rəcəbli söyləyib. Bununla belə, Hadı Rəcəbli deyir ki, Tacikistan kimi ölkələrdə qəbul olunan qanunu Azərbaycanda da tətbiq etmək mümkün deyil: “Məsələn, Tacikistan toy mərasimində avtomobil karvanı ilə bağlı da məhdudiyyət qoyub. Yeməklərin, qonaqların sayı ilə bağlı da məhdudiyyətlər mövcuddur. Bu normaları Azərbaycan cəmiyyətində tətbiq etmək mümkündürmü? Çox gülünc olar. Əlbəttə bizim bəzi qanunlarımızda bu məsələlər tənzimlənir. Amma el və ailə şənlikləri ilə bağlı cəmiyyətdə təbliğata ehtiyac var. Hər bir şəxs təşkil etdiyi tədbirin səviyyəsinə diqqət yetirməlidir. Dünya, əsasən də qonşu müsəlman ölkələrində keçirilən mərasimlərə diqqət yetirək. İnanıram ki, kiçik zaman kəsiyində bu məsələlər öz məcrasına düşəcək. Artıq insanların bir çoxu anlayır ki, toylarımız israfçılıqdı, səs-küydü, istirahət deyil, ən əsası bayram deyil”.
Hadı Rəcəbli bildirib ki, ziyalılarımız, imkanlı şəxslərimiz ilk addımlarını atmalıdır: “Bizim elə ziyalılarımız var ki, nümunə göstərirlər. Bizi pis vəziyyətə salan bəhsdir. Bəhs etməyi kənara qoymaqla problemi həll etmək olar. Razıyam, şadlıq evləri də bəzən şənliklə bağlı diktə edirlər. Amma toy sahibi də öz diktəsini etsə, irəliləyiş əldə etmək olar. Məsələn, Naxçıvanda inzibati amildən çox ağsaqqalların fəaliyyəti var. Burada hökumət, ağsaqqal və din xadimlərinin müzakirəsinin yekunu olaraq nəticə əldə edirlər”.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
