2 büküm heroinin həbsxanaya keçirilməsinin qarşısı alınıb
Penitensiar Xidmət Qobustan həbsxanasına heroin keçirilməsinin qarşısı alınıb. Qaradağ rayon Polis İdarəsindən Lent.az-a verilən məlumata görə, oktyabrın 31-də soyğunçuluq maddəsi ilə cəza çəkən Şəmiyev Elnur İbad oğlunun yanına gəlmiş Bakı sakini, 1981-ci il təvəllüdlü Məlikov Rəşad Ağaməlik oğlunun gətirdiyi sovqata baxış keçirilib.
Bu zaman məlum olub ki, R.Məlikovun gətirdiyi ətin içində 2 büküm heroin var. Həbsxana əməkdaşları R.Məlikovu saxlayaraq Qaradağ RPİ 11-ci PB-ya təhvil veriblər.
Faktla əlaqədar araşdırmalar davam etdirilir.