"Arşın mal alan"ın 100 illik yubileyi qeyd ediləcək
“Arşın mal alan” musiqili komediyasının 100 illik yubileyi, XII əsrdə yaşayıb-yaratmış rübai ustadı Məhsəti Gəncəvinin nailiyyətlərinin 900 illiyi, filosof, şair Səyid Yəhya Bakuvinin vəfatının 550 illiyi UNESCO çərçivəsində qeyd olunacaq. Bu barədə Lent.az-a Mədəniyyət və Turizm Nazirliyinin beynəlxalq əlaqələr və mədəniyyət proqramları şöbəsindən bildiriblər.
Məlumata görə, bu qərar sentyabrın 30-da keçirilən UNESCO İcraiyyə Şurasının 187-ci sessiyasında verilib. İrəli sürülən təklif sessiya iştirakçıları tərəfindən yekdilliklə təsdiq edilib və adları sadalanan şəxsiyyətlər UNESCO çərçivəsində ildönümü qeyd ediləcək şəxslərin siyahısına əlavə edilib.
Şöbədən o da bildirilib ki, 2012-2013-cü illərdə Azərbaycanın mədəniyyətini, ədəbiyyatını musiqisini, mədəni və ümumbəşəri dəyərləri əks etdirən, mühüm əhəmiyyətə malik bu yubileylərin qeyd olunması ilə əlaqədar Azərbaycanda, xarici ölkələrdə və UNESCO-nun qərargahında konsert, sərgi və digər mədəniyyət tədbirlərinin keçirilməsi nəzərdə tutulur. UNESCO-ya üzvlük çərçivəsində Mədəniyyət və Turizm Nazirliyi digər mühüm əhəmiyyətli tarixi hadisələrin və görkəmli şəxsiyyətlərin ildönümlərinin bu təşkilat çərçivəsində qeyd edilməsi ilə bağlı müvafiq işlər görməyə davam edəcək.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
